Lajmet se sulmuesi norvegjez i Borussia Dortmund, Erling Haaland ka firmosur një kontratë paraprake me klubin e Real Madrid e kanë acaruar keq shefin e klubit gjermani, Hans-Joachim Watzke.
Teksa ka folur për ‘Sport 1’, Watzke i ka quajtur broçkulla lajmet në lidhje me të ardhmen e sulmuesit edhe pse nuk e ka fshehur mundësinë e shitjes së tij.
“Po dëgjojmë nga të gjitha budallallëqet në lidhje me të ardhmen e Haalandit. Thonë se do ta shesim në verë, por kjo është për turp. Të ardhmen e tij do ta vendosim vetëm ne si klub. Dhe jemi vetëm ne që do të vendosim kur dhe ku. Nuk është vendosur asgjë dhe deri verën e ardhshme ka ende shumë kohë. Ne si klub kemi marrëdhënie të mira dhe korrekte me menaxherin e tij Raiola dhe nuk mendoj se ai sheh vetëm paratë. Besoj se ai sheh edhe të ardhmen e lojtarit, çfarë është më e mira për të. Ndaj boll hëngrët m..”,– u shpreh ai.
Kjo ka qenë përgjigja që numri një i klubit verdhezi i ka dhënë të gjithë atyre që përhapin fjalë që sulmuesi do të largohet dhe se ka firmosur me Madrilenët./K.T/Gijotina.com
