Portieri shqiptar, Tomas Strakosha e ka humbur vendin e titullarit tek skuadra e Lacios prej gati dy sezonesh. Gardiani qëndron në stolin e rezervave në çdo sfidë që bardhekaltërit luajnë në kampionat teksa titullar i padiskutueshëm është spanjolli Pepe Reina. Pas Inzagit edhe trajneri Mauricio Sarri ka lënë në stol Strakoshën teksa pikiata e futbollistit në fjalë filloi pas infektimit me covid 19. Strakosha luan si titullar vetëm në Kupën e Italisë dhe Konferencë Ligë ku ka bërë paraqitje të mira.
Kohët e fundit është aluduar shumë për të ardhmen e portierit teksa zërat e merkatos e lidhin me një kalim në futbollin anglez. Skuadra e Njukasëll ka shprehur qartë interesimin për të firmosur me futbollistin në fjalë teksa pas kalimit në pronësinë e sheikëve kanë nisur një cikël të ri fitues ku pritshmëritë janë shumë të larta. Strakosha pak ditë më parë gjatë grumbullimit me kombëtaren deklaroi se me këto çështje merret vetëm menaxheri i tij dhe se ai është i fokusuar tek Lacio. Kontrata e Strakoshës me skuadrën italiane përfundon në vitin e ardhshëm teksa palët nuk kanë gjetur akordin për rinovimin e kontratës.
Discussion about this post