Ylli i Chelseas, Romelu Lukaku pranon se ai personalisht ka biseduar me Simone Inzaghi, duke e nxitur që të largohej nga Interi.
Lukaku kaloi te ‘Blutë’ e Londrës pas tetë vitesh për një shifër prej 115 milionë eurosh këtë verë.
Gjigantët e Premier League kishin qenë në bisedime me kampionët e Serie A për një kohë të gjatë, por Interi hodhi poshtë deri në tre oferta, duke e detyruar yllin belg të ndërhyjë dhe t’i kërkojë klubit të tij që ta lejojë atë të kthehet në Londër.
“Me ofertën e tretë të Chelsea, e dija se ishte serioze dhe nuk isha më atje,” tha Lukaku për Hln.be.
“Chelsea ofroi 110 milionë euro plus Zappacosta, por Interi tha jo, kështu që unë shkova në zyrën e Simone Inzaghi duke kërkuar të gjeja një marrëveshje.”-vijoi sulmuesi.
Lukaku shënoi 64 gola në 95 ndeshje gjatë periudhës së tij dyvjeçare në Inter. Ai ishte bashkuar me Zikaltërit në një marrëveshje prej 75 milionë eurosh nga Manchester United dhe fitoi një titull të Serie A gjatë kohës së tij në Milano.
Belgu shënoi golin e tij të parë me Chelsean në fitoren e tyre 2-0 kundër Arsenalit më 22 gusht. 28-vjeçari ka nënshkruar një kontratë deri në qershor 2026 me Blutë e Londrës./Gijotina.com
