Armando Broja është zyrtarizuar te Southampton ditën e sotme. Sulmuesi i kombëtares shqiptare është huazuar, pasi te Chelsea nuk do të kishte hapësira. I riu, pasi ka nënshkruar ka folur për faqen zyrtare të klubit të Premier League.
“Ndihem shumë i lumtur. Isha shumë i emocionuar për t’u bashkuar me Southampton. PAdyshim është një klub shumë i mirë në Premier League.
Ata kanë histori dhe luajnë në ligën më të mirë në botë, kështu që është e mahnitshme që një lojtar ta përjetojë atë, të jetë brenda një ekipi të Premier League, të mësojë dhe të zhvillohet nga lojtarë më të vjetër, nga stafi dhe të gjithë këtu. Është një mundësi shumë e mirë për mua”, thotë fillimisht Broja.
Më pas ai flet për veten: “Jam një sulmues i gjatë, por gjithashtu edhe i shpejtë. Më pëlqen të dribloj, të mbaj topin dhe të luaj me të tjerët me kombinime. Normalisht më pëlqen të shënoj sa më shumë gola. Këto janë cilësitë e mia kryesore”.
Si çdo i ri, Broja ka lojtarëve prej të cilëve mëson dhe frymëzohet: “Sa u takon modeleve si lojtarë, janë dy: Ronaldo Fenomeni dhe Cristiano Ronaldo. janë dy të preferuarit e mi. Ronaldo ishte një sulmues tipi, ishte i mahnitshëm. Shikoj dhe kam parë shumë video të tij në Youtube.
Kur ai luante unë kam qenë shumë i vogël. Përpiqem të përdor disa numra të tij për të më ndihmuar. Sa i takon CR7, e dua mentalitetin e tij ë punës dhe mënyrën se si paraqitet në shumë. Kështu që ata të dy janë të preferuarit e mi”.
Dynel Simeu dhe Tino LIvramento kanë kaluar nga Chelsea te Southampton dhe Broja ka folur me njërin prej tyre. “E dija që kanë ardhur këtu, gjë që është pozitive për ta. Kam folur pak me Dynel, pasi ai është nga këtu dhe di më shumë për zonën dhe klubin. Më tha se Southampton është një klub me njerëz të mirë dhe me mjedis të këndshëm. Ishte një bisedë pozitive.
Kam ardhur këtu të përpiqem të bëj më mirën për të ndihmuar ekipin, me gola asiste, në mënyrë që të marrim sa më shumë pikë. Sigurisht edhe do duhet të mësoj, të bëhem më i mirë, të zhvillohen, të rritem më shumë fizikisht dhe të marr eksperiencë”, përfundon Broja.
