Një 30-vjeçar nga fshati Mallkeq i Vlorës, është shpallur në kërkim nga policia pasi na banesën e tij u gjetën: 2 armë zjarri automatik (njëra me silenciator), 1 armë zjarri pistoletë, 6 karikatorë me fishekë, 2 jelek dhe 2 kapele si të policisë. Sipas policisë bëhet fjalë për Adem Aliaj (Idrizaj), pasi në kontrollet e bëra nga policia, janë gjetur pikërisht armët, por edhe veshjet si të policisë. Sipas burimeve ka nisur një hetim ndaj Aliajt, për të zbardhur dhe arsyet se pse ai ishte i pajisur me veshje të efektivëve të uniformave blu. Personi i shpallur në kërkim ka dy mbiemra, gjë që shton dyshimet se ai ka pasur probleme të mëparshme me ligjin.
Gjithashtu bëhet me dije se përgjatë këtyre ditëve priten të tjera aksione, në qendër të së cilave janë personat të cilët lëvizin të armatosur apo që kanë probleme me ligjin.
