Rexhë Byberi, kryebashkiaku socialist i Tropojës, është kallëzuar penalisht në SPAK. Byberi akuzohet për ‘shpërdorim detyre’ dhe favorizim të familjarëve.
Kallëzimi penal është depozituar në SPAK nga banorë të zonës, të cilët e akuzojnë Byberin se ka favorizuar kushurinjtë e tij në shkelje të hapur të ligjit për konfliktin e interesit.
“Ne kallëzuesit jemi banorë të Bashkisë Tropojë, ku po bëjmë rreth 3 vjet që sorollatemi nga kryetari i bashkisë Rexhe Byberi duke mos gjetur zgjidhje.
Kryetari i bashkisë Tropojë Rexhe Byberi është i përfshirë në aktivitete kriminale , dhe për këtë arsye jemi duke bërë këtë kallzim ku e akuzojmë për veprën penale të “Shpërdorimit të detyrës” parashikuar nga neni 248 i K.Penale dhe për veprën penale të “Korrupsioni pasiv i funksionarëve të lartë shtetërorë ose i të zgjedhurve vendor”.
Këtë aktivitet kriminal ky kryetar bashkie e ushtron me djemtë e xhaxhait të tij ku një prej tyre është dhe i kallzuari prej nesh Avni Byberi, akuzuar për veprën penale të “Korrupsioni aktiv i funksionarëve të lartë shtetërorë ose i të zgjedhurve vendor” parashikuar nga neni 245 i Kodit Penal dhe “Pastrim i produkteve të veprës penale” të parashikuar nga neni 287 i K.Penal.”, thuhet në denoncimin e banorëve.
Kjo nuk është hera e parë që një kryebashkiak apo ish-zyrtar kallëzohet në SPAK nga banorë të zonës. Një kallëzim i ngjashëm u depozitua në SPAK vite më parë ndaj Vangjush Dakos, ish-Kryebashkiakut të Durrësit, i cili sot ndodhet në paraburgim, i arrestuar me vendim të GJKKO. Nuk dihet nëse në rastin e Kryebashkiakut të Tropojës, SPAK do të vihet në lëvizje dhe nëse po sa kohë mund t’i duhet për të marrë një vendim.
Discussion about this post