Adriana Kalaja në cilësinë e Kryetares së Gjykatës së PD, ka bërë me dije se sot ka kallëzuar në SPAK Lulzim Bashën, bashkëshorten e tij Aurela Basha dhe kunatin Erion Isufi.
Kalaja i ka kallëzuar penalisht këta shtetas për akuzën e Falsifikimit të Dokumentave, Shtrëngim me anë të kanosjes për dhënie pasurie edhe disa akuza të tjera.
“Subjekti i kallëzuar është deputeti Lulzim Basha i cili referuar provave në bashkëpunim me shtetasen Aurela Basha, Erion Isufi kanë konsumuar vepra penale duke filluar që nga shtrëngimi me anë të kanosjes për përfitim pasurie, e cila në zhargonin e përditshëm quhet gjobëvënie. Po ashtu ai është kallëzuar për falsifikim dokumentash dhe korrupsion pasiv në kohën kur ishte ministër i transporteve e shumë akuza të tjera. Unë kam paraqitur në SPAK prova të reja që lidhen me lotimin në Amerikë për foton me presidentin Trump dhe për të cilin flitet se janë para ruse”, tha Kalaja në një deklaratë për gazetarët jashtë ambienteve të SPAK.
Discussion about this post