“Kam informacion se 2600 efektivë…”/ Ish-drejtuesi i policisë lëshon deklaratën e fortë

Ish-drejtuesi i Policisë Rrugore të Tiranës Krenar Ahmeti ka deklaruar se janë rreth 2600 efektivë që duan të largohen nga rradhët e uniformave blu.

“Kam një informacion që në dorë të personave kompetent që bëjnë përjashtimin e policisë janë rreth 2600 kërkesa të punonjësve të policisë që duan të largohen,” – u shpreh ai.

Ahmeti tregoi se brenda 2 viteve kanë hequr dorë nga uniforma blu rreth 600 punonjës.

Sidoqoftë, ish-drejtuesi pohoi se organizata e policisë në pjesën thelbësore është e shëndetshme, por ka pafund vend për t’u trajnuar.

“Vetëm gdhendja mund ta sjelli në shina këtë situatë. T’i paguajnë mirë [policët], t’i trajnojnë, t’i veshin, t’i mbathin, t’i kërkojnë llogari,” – u shpreh Ahmeti në programin “Riview”.