Teksa Presidenti ilir Meta ka bërë sot disa deklarata të forta nda Bashës dhe PD në një intervistë televizive, demokratët nuk kanë ngurruar t’i kthejnë përgjigje atij. Përmes një postimi në Facebook, Sekretari për Organizimin Dixhital i Partisë Demokratike, Endi Hasa shpreh se Meta po tenton të përçajë PD ashtu sikur ka bërë edhe herë tjetër.
“Kambanat ende s’kanë rënë, qetësohu President! Ilir Meta ka tentuar edhe më parë njësoj siç bëri edhe sot që për paranojat e tij dhe për aleancat e njohura, të hedh farë përçarjeje mes demokratëve. PD dhe demokratët të kanë mbajtur me pa të drejtë shumë herë mbi kurriz, me mëkatet që të kanë shoqëruar gjatë rrugëtimit tënd politik, duke të dhënë pushtet”, shkruan ai.
Ndërsa tregohet i bindur se këtë herë Meta nuk mund të ndërhyje mes PD, Hasa shkruan se ai presidenti u tregua mosmirënjohës ndaj demokratëve dhe çdo veprim e bënë për interesa personale. “Sot ata nuk presin mirënjohje, por për budallenj nuk i bën dot. Partia Demokratike ka organizuar dhe do të organizojë protestat më të mëdha në këtë vend sepse ajo është në krah të qytetarëve shqiptarë për hallet dhe problemet e tyre. Hallet dhe problemet e tua s’mund t’i zgjidhim dot, ndaj përmbahu. Kambanat janë të forta, por ato ende nuk kanë rënë”, shkruan ai, duke paralajmëruar se shumë shpejt do të shohim forcën e vërtetë të PD.
Discussion about this post