Presidenti Ilir Meta shprehet se ka qenë kundër djegies së mandateve të deputetëve nga opozita në vitin 2019. Në një intervistë për mediat, ai thotë se me këtë akt, opozita ka dëmtuar interesin e qytetarëve por ka dëmtuar dhe postin e Presidentit.
Kreu i Shtetit thotë se me deputetët e rinj që u futën në parlament, mazhoranca planifikoi shkarkimin e Metës, por që u ndalua nga protesta masive e 2 marsit të viti 2020.
“Unë kam bërë një vit përpara se të lënin mandatet. Kjo është një çmenduri për të lënë mandatet. A u bë një çadër për të mos bërë zgjedhje me Edi Ramën. Për të hequr Ramën, ku përfundoi në 17 maj. Si do hiqej herën e dytë. Në çdo palë zgjedhje duhet të hyjë opozita. Kjo është çmenduria më e madhe. Ta dëgjojë çdo shqiptar, çdo LSI-së, opozita ishte jashtë parlamentit, dhe i kam detyruar unë përfaqësuesen e LSI-së. I kam thënë Bashës lërini këto budallallëqe dhe plani është që të bëhet zëvendësimi juaj. U dogjën mandatet kur unë u largova një javë nga Shqipëria. Ilir Meta ka qenë shumë kundër. LSI e ka dëmtuar Ilir Metën me këtë akt që bëri. Djegia e mandateve ka qenë vendimi më idiot dhe i çmendur e antikushtetues. Ilir Meta ka qenë kundër që në ditën e parë. Si Presidenti ishte më i rrezikuari. Kishin plan që të më shkarkonin, por u ndalua nga 2 marsi” – tha Meta.
Ndërkohë lidhur me vendimin e Gjykatës Kushtetuese për zgjedhjet e 30 qershorit, Meta tha se do të presë arsyetimin e plotë të saj.
“Së pari Presidenti për çështjet e zgjedhjeve të 30 qershorit, ka vetëm një qëndrim. Është qëndrimi i raportit të OSBE/ODIHR. Dekreti i Presidentit nuk u ankua në asnjë gjykatë dhe atë mund ta shqyrtojë vetëm Gjykatën Kushtetuese. Nuk ka një vendim, kur ta kemi atëherë do e mbaj qëndrimin. Në një vend demokratik, përveç gjykatës Kushtetuese ka dhe gjykata të tjera” – tha Meta.
Discussion about this post