Një mbikalim këmbësorësh në autostradën Tiranë-Durrës është shembur në orët e para të mëngjesit të sotëm si pasojë e një aksidenti, por edhe nga amortizimi i strukturës metalike.
Sipas policisë, në vendin e quajtur Sukth një kamion ka humbur kontrollin duke u përplasur me mbikalimin e këmbësorëve. Nga përplasja mbikalimi është shembur por pa shkaktuar dëme në njerëz apo automjete të tjera.
Me ndërhyrjen e policisë është devijuar qarkullimi i automjeteve deri në pastrimin e plotë të rrugës dhe aktualisht lëvizja e automjeteve po vijon normalisht.
Nga ana tjetër si pasojë e aksidentit, ka mbetur i dëmtuar edhe pasagjeri që po udhëtonte në kamion i cili është dërguar në spital për të marrë ndihmën e parë mjekësore, ku ndodhet jashtë rrezikut për jetën.
Discussion about this post