E ardhmja e Carlo Ancelottit te Real Madrid është vënë në dyshim pas disa rezultatesh negative në vitin 2023. Rekordmenët spanjollë janë ende gjallë në tre gara, por nuk janë favorit për asnjërën prej tyre.
Dy humbjet e fundit ndaj Barcelonës nuk i kanë pëlqyer aspak drejtuesve madrilen. Kjo e shoqëruar me faktin se ata tani janë 12 pikë larg katalanasve. Kjo gjë tashmë ka ngjallur disa dyshime për vazhdimësinë e trajnerit.
Në këtë situatë, “Los Blancos” kanë filluar të përshkruajnë zëvendësuesit e mundshëm për trajnerin italian.
Disa nga opsionet në tryezën e tyre deri më tani janë si Oliver Glasner i Eintracht Frankfurt, Xabi Alonso i Bayer Leverkusen, Raul Gonzalez Blanco i Real Madrid Castilla dhe Thomas Tuchel.
Tuchel është natyrisht më bindësi nga të tre, me një rekord spektakolar në futbollin europian. Trajneri gjerman arriti në dy finale radhazi të Ligës së Kampionëve – me PSG-në dhe Chelsea-n, duke fituar në përpjekjen e tij të dytë ndërsa mposhti Manchester City-n.
Kishte zëra se Tuchel nuk konsiderohej optimal për Real Madridin, por ABC (h/t Madrid Xtra) i ka hedhur poshtë ato, duke sugjeruar që “Los Blancos” po kërkojnë një trajner me mentalitet fitues dhe ish-tekniku i Borussia Dortmundi ka dëshmuar të jetë një i tillë.
Raporti sugjeron gjithashtu se Florentino Perez është një tifoz i madh i Xabi Alonso, ndërsa CEO i klubit Jose Angel Sanchez, preferon Raulin si menaxherin e ardhshëm të Madridit.
Përveç fitimit të UEFA Champions League me Chelsean, ai gjithashtu ka fituar DFB Pokal me Dortmundin në 2017, dy tituj të ligës me PSG-në, Superkupën e UEFA-s dhe Kupën e Botës për Klube FIFA me Chelsean.
Më tej, ka pasur raporte në të kaluarën që sugjerojnë se Tuchel tani është gati të kthehet në drejtimin e një skuadre dhe po mendon për një lëvizje në Barcelonë ose Real Madrid në të ardhshmen.
Do të ishte e drejtë të përjashtohej Barcelona, megjithatë, me Xavin që drejton projektin. Joan Laporta tashmë ka folur publikisht për rinovimin e spanjollit.
Madridi ka mjaft “vrima për të mbyllur” në skuadër përpara sezonit të ardhshëm, por gjithçka do të varet nga bordi i tyre drejtues dhe nëse ata zgjedhin të marrin një njeri të ri për këtë rol.
Discussion about this post