Tre persona kanë rënë në prangat e policisë së Shkodrës pasi akuzohen për trafikim të lëndëve narkotike dhe dhunë në familje.
Mësohet se, është arrestuar një 21-vjeçar, banues në fshatin Grudë e Re, pasi gjatë kontrollit të ushtruar në mjetin e tij, iu gjetën dhe iu sekuestruan në cilësinë e provës një sasi lënde narkotike cannabis sativa dhe një mjet prerës (thikë).
Gjithashtu, një pranga ka rënë dhe një 18 vjeç, banues në Shkodër, pasi gjatë kontrollit fizik i është gjetur një sasi lënde narkotike cannabis sativa. Ndërsa, një 56-vjeçar, ka rënë në pranga pasi ka ushtruar dhunë fizike dhe psikologjike ndaj bashkëshortes së tij.
Materialet procedurale i kaluan Prokurorisë pranë Gjykatës së Shkallës së Parë Shkodër, për veprime të mëtejshme.
Discussion about this post