Drejtori i Përgjithshëm i policisë së shtetit, Gledis Nano ka bërë sot një paralajmërim të fortë për të gjithë efektivët e policës. Ai ka thënë për çdo polic të vendit, e sidomos ato të Krujës se nëse nuk e bëjnë punën e tyre siç duhet, do kenë pasoja. Nga Kruja, gjatë konferencës rajonale për parandalimin e kultivimit të kanabisit dhe trafikimit të lëndëve narkotike, Nano tha se duhet që të garantohet siguria e fëmijëve në shkolla. Ndërsa shtoi se nuk do të ketë tolerime për ata që bëjnë sikur nuk shohin rastet kur kultivohet apo konsumohet kanabis
“Do të ndalohet çdo punonjës policie që bën sikur nuk shikon, sikur nuk dëgjon. Ndoshta këto fjalime ju duken të fotokopjuara. Duhet që të gjithë bashkë të kemi shkolla të sigurta dhe të pastra, nuk duhet që ne të mos kemi dijeni se çfarë ndodh në shkollë dhe rreth shkollës. Dua të ndaloj në këtë pikë, fëmijët tanë në shkolla duhet të jenë të sigurtë dhe jo të shkojnë të bëhen pjesë e nxitjeve që të bëhen përdorues të kanabis. Kultivimi i kanabis sjell pasoja dhe konflikte”, tha Nano. Sakaq, ai kujtoi se testi i drogës për policët do të vazhdojë.
Discussion about this post