I pyetur nëse do të pranonte që të kishte kandidatë nga opozita për zgjedhjen e presidentit të ri, Rama përgjigjet se “në këtë çështje të gjithë do të jenë në një tryezë”.
Ai shprehet se mazhoranca nuk ulet në tryezë me paragjykime dhe nëse opozita do të propozojë një emër të pëlqyeshëm, do të ketë dakordësi.
Në fund, kreu i qeverisë u shpreh se nëse nuk arrihet dakordësia, falë ndryshimeve Kushtetuese të 2008-ës, mazhoranca do të zgjedhë një President me 71 vota në Parlament.
“Ne nuk jemi ulur në tryezë me paragjykime. Nuk do paragjykojmë nga vijnë këto propozime. Janë përballë nesh në arenën politike, ndërkohë që në këtë çështje jemi në një tryezë. Nëse do vijë një kandidaturë e pëlqyeshme, do kenë 100% dakordësinë tonë. Nëse nuk na pëlqejnë, do propozojnë kandidaturën tonë. Nëse do u pëlqejë propozimi ynë, do kemi mbështetjen e tyre. Në këtë çështje jemi në tryezë. Në fund fare, falë ndryshimeve Kushtetuese të 2008-ës, dhe që po provohen më të vlefshme për ecurinë e vendit, janë 71 votat në parlament dhe Shqipëria do të ketë një President normal”, shprehet Rama.
Discussion about this post