Kandidati për deputet i PD në qarkun e Dibrës, Xhemal Gjunkshi, është paraqitur sot në ambientet e SPAK për të depozituar një kallëzim penal lidhur me krimet zgjedhore të ndodhura në qytetin e Peshkopisë.
Në qendër të kallëzimit të Gjunkshit qëndrojnë emra të pushtetit lokal si Rrahim Spahiun. Bedri Kamberi, Drejtor i Shërbimeve të Bashkisë, Labinot Murrja, Kryetar i Njësisë Administrative Luzni.
Gjunkshi i akuzon këta zyrtarë për përfshirje në shkelje të rënda të ligjit zgjedhor, përfshirë për presion ndaj votuesve, përdorim të burimeve shtetërore për qëllime elektorale, si dhe blerje votash në funksion të manipulimit të rezultatit zgjedhor.
Xhemal Gjunkshi nga SPAK:
Siç jeni në dijeni, unë erdha sot këtu pranë SPAK, lidhur me një kallëzim që kam bërë për një krim zgjedhur të bërë nga kryetari i Bashkisë së Dibrës, Rahim Spahiu dhe drejtorit të Shërbimeve Bedri Kamberi.
Të dy këta persona janë kapur në flagrancë në bazë të kallëzimit që kam bërë, duke bërë shfrytëzim dhe duke përdorur asetet publike pikërisht në kohën e fushatës zgjedhore. Këto kanë patur të gjithë kohën e mjaftueshme dhe të nevojshme që këtë rrugë ta ndërtonin për 12 vjet, mirëpo ashtu siç ka ndodhur në gjithë Shqipërinë, edhe në qarkun e Dibrës, infrastruktura rrugore lë shumë për të dëshiruar.
Këta po bëjnë gjithçka në këto momente nëpërmjet përdorimit të aseteve publike, nëpërmjet intimidimit të votuesve, nëpërmjet presionit të administratës publike në raport me vendet e punës që ato kanë. Presion i jashtëzakonshëm po bëhet edhe në lidhje me ndihmën ekonomike që po u jepet banorëve dhe qytetarëve të Dibrës.
Ajo është një ndihmë ekonomike tepër qesharake. Ka qëlluar që gjatë gjithë kësaj periudhe, unë në gjithë fshatrat e Dibrës që kam vajtur ka raste që është dhënë dhe 16 mijë lekë të vjetra në muaj për pesë persona.
Megjithatë, unë jam këtu për ti thënë STOP, drejtuesit të Bashkisë së Dibrës, për ti thënë qytetarëve të Dibrës që unë jam një zë i fortë i tyre për ti mbështetur në kauzën që ne kemi, për të vendosur rend, për të vendosur siguri, për rritjen e mirëqenies.
Këta që janë vënë në shfrytëzim, këta janë çyrykët e kryeçyrykut. Por unë i them çyrykëve dhe kryeçyrykut Edi Rama, që përgjigjen më të mirë nga qytetarët e Dibrës do ta marësh më datë 11 Maj. Atë ofesë që i ke bërë Dibrës, s’ka arritur tia bëjë në shekuj, as Serbi e as kërkush.
Discussion about this post