Maqedonia e Veriut është shndërruar në një “mace të zezë” për Italinë. Pasi e la jashtë Botërorit me eliminimin në 24 mars të vitit 2022, ballkanasit surprizuan sërish kombëtaren italiane, duke i marrë një pikë me vlerë në barazimin 1-1 të mbrëmjes së sotme, duel ky i vlefshëm për grupin C të kualifikueseve të Europianit.
Italianët kaluan të parët në avantazh me anë të kapitenit Ciro Immobile në minutën e 47-të, ndërkohë që për golin e barazimit mendoi ish-lojtari i Levantes Enis Bardi që në minutën e 81-të, realizoi gol fantastik nga goditja e dënimit.
Në 3 ndeshje të zhvilluara Italia ka arritur të sigurojë 4 pikë duke u renditur përkohësisht në vendin e katërt. Po katër pikë ka dhe Maqedonia e Veriut që ka një ndeshje më shumë.
Me siguri ky nuk ishte debutimi që Spalletti shpresonte që të bënte, duke parë që ky barzim, mund të ndërlikojë rrugën drejt Euro 2024.
Discussion about this post