Deputeti i PD, Luçiano Boçi, ka deklaruar sot që qeveria po zhvat qytetarët shqiptarë dhe turistët me rritjen e çmimit të naftës. Përmes një postimi në Facebook ai ka publikuar një tabelë ku duket qartë që shqiptarëve iu duhen më shumë të ardhura për të blerë një litër naftë në raporto me vendet e tjera të rajonit. Sakaq, Boçi shprehet se në këtë periudhë në vend rritet qarkullimi i makinave dhe rrjehsimisht nevoja për naftë, prandaj qeveria ka rritur më shumë çmimin e karburanteve. Ai e quan një arsye kanibaleske këtë skemë të qeverisë, duke thënë se bordi është një turp.
“Çmim për të zhvatur emigrantët e qytetarët. Ka një arsye themelore që çmimi i naftës në Shqipëri rritet e nuk u ul asnjëherë, përkundrejt rënies së tij në bursa. Arsyeja është sa e thjeshtë aq dhe kanibaleske. Kjo është periudha kur sasia e mjeteve në qarkullim dyfishohet dhe kërkesa për karburant gjithashtu, sepse emigrantët e shumtë kthehen në vendlindje dhe me pushime.
Grabitqari këtë rast pret për të sulmuar prenë e vet. Rama këtë ka pritur për të rrjepur emigrantët e qytetarët! E shndërron sentimentin njerëzor të mallit për vendin, në mall për fitimin e vet marramendës. Me keq se e turpshme! Kështu biznesi i tij qeverisës, arkëton miliona euro nga xhepat e njerëzve që i kanë me djersë e gjak, por që dihet si përfundojnë. Përfundojnë në llogaritë e qeveritarëve dhe “bosave” të PPP-ve”, shkruan ai. Ndërsa shprehet se, oligarkët e karburanteve marrin pjesën e tyre me një fitim marramendës.
Discussion about this post