Turneu i futbollit në Lojërat Olimpike ka nisur me një duel të ethshëm mes Argjentinës dhe Marokut që u mbyll me shifrat 2-2 me golin argjentinas në minutën e 106-të. Ose të paktën kështu mendonin të gjithë. Një orë pas takimit, organizatorët e turneut kanë bërë të ditur se ndeshja… vazhdon.
Sipas tyre, gjyqtari suedez Nyberg nuk ka mbyllur ndeshjen pas goli të Medina në minutën e 106-të, por thjesht e ka pezulluar atë duke çuar lojtarët në dhomat e zhveshjeve. Shkak janë bërë fishekzjarrët dhe shishet që kanë fluturuar në shenjë proteste nga tifozët marokenë.
Përtej kësaj, rishikohet momenti i golit me VAR, pasi dyshohej se ka një pozicion jashtë loje gjatë aksionit. Kështu, stadiumi po boshatisej nga tifozët për të luajtur pa praninë e tyre rreth 4 minuta që kishin mbetur në ndeshjen ku gjyqtari dha 15 minuta shtesë dhe goli u shënua në të 16-ën.
Tiraron petardos al lado del banco de suplentes de Argentina y por eso el plantel se metió al vestuario. pic.twitter.com/hRtP7UsuXH
— Gastón Edul (@gastonedul) July 24, 2024
Por pas rishikimit me VAR, dy orë pasi ndeshja mendohej se kishte përfunduar, gjyqtari suedez e anuloi golin e barazimit për pozicion jashtë loje dhe lejoi që të luheshin tre minuta shtesë me stadiumin e boshatisur.
Në këto tre minuta, Maroku arrit të ruante rezultatin dhe të fitonte 1-2, duke marrë tre pikët në një takim që do të hyjë padyshim në librat e historisë.
gijotina.com/
Discussion about this post