Shqipëria pësoi një humbje të thellë ndaj Anglisë 5-0 në Londër duke shuar ëndrrat për kualifikimin në Botëror. Sidoqoftë përtej asaj që prodhoi fusha, në shkallët e stadiumit u krijua një incident që i shpëtoi regjisë së transmetimit të ndeshjes por jo vëmendjes së tifozëve të cilët filmuan ngjarjen. Gjatë ndeshjes një tifoz shqiptar i veshur me simbolet kombëtare u arrestua nga policia teksa më pas u “flak” jashtë stadiumit.
Ishin fillimisht forcat e sigurisë së mbarëvajtjes së ndeshjes që e paralajmëruan por këshillat nuk u morën parasysh teksa njoftuan forcat e policisë. Mësohet se tifozi u arrestua për shkak të thyerjes së rregullave të rendit dhe sjelljes në publik. Tifozët shqiptar nuk reaguan fizikisht por vërshëllyen veprimin e policëve angleze teksa më pas shijuan ndeshjen historike.
Discussion about this post