Çdo muaj qytetarët e Lezhës përballen me pritje të gjata në zyrat e
OSHEE-së për të paguar faturat e energjisë elektrike. Ata shprehen se, çdo ditë duhet të presin me orë të tëra dhe sërish ndodh që të kthehen në shtëpi pa paguar faturat. Një banor tregon se e gjithë kjo ndodh për shkak se OSHEE punon vetëm me një sportel.
Ai tha se, pjesa më e madhe e atyre që presin në radhë janë të moshuar dhe e kanë të vështirë të qëndrojnë në pritje, pro pavarësisht se situata rëndohet çdo ditë nuk kanë marrë asnjë zgjidhje.
“Ata lënë vetëm një arkëtare në punë, por vetëm një nuk e përballon dot fluksin dhe mbetemi këtu. Unë kam gati një orë këtu, por me këtë ritëm që po punojnë tani do mbetet edhe një orë tjetër, të mos them edhe gjysmën e ditës. Nuk na japin asnjë lloj sqarimi pse na lënë të presim. Unë jam 67 vjeç dhe e kam të vështirë të qëndrojnë në këmbë të pres tërë ditën. Plus kemin edhe frikë nga virusi, por ca të bëjmë kur e lë shtetit vetë kështu”, u shpreh një banor.
Një tjetër qytetare tha se ndihen të rrezikuar nga virusi pasi krijohen grumbuj njerëzish, por nuk kamë rrugë tjetër. Banorja tha se ata i paguajnë rregullisht faturat, për shërbimet që marrin janë gjysmake.
“Çdo herë kështu ndodh, presim me orë të tëra, si kohë me diell si me shi ne presim. Lezha kështu e ka pas gjithmonë. Ne jemi të rregullt me pagesat por ata jo me shërbimin. Unë jam e sëmurë e nuk qëndrojnë dot, por pastaj mendo sa e vështirë është për ata më të moshuarit. I kërkojmë bashkisë që të ketë më shumë sportele dhe hapësirë për të pritur qytetarët”, tha ajo.
