Kryeministri Edi Rama ka takuar këngëtarin e famshëm me origjinë shqiptare, Ermal Meta, i cili ndodhet në Shqipëri për një koncert, që do të mbajë mbrëmjen e sotme në kryeqytet.
Rama ka publikuar një foto krah këngëtarit, teksa shkruan me shaka se i ka rënë rruga për nga zyra e tij. Nga foto shihet se Rama i ka dhuruar Metës librin që përmban krijimet artistike të kryeministrit.
“Super, Ermal Meta e nis turin nga Tirana drejt Italisë. Ishte kënaqësi e posaçme që i ra rruga nga zyra ime, ku u ndal për një bisedë të këndshme”, shkruan Rama.
Sot Ermal Meta do të mbajë koncertin e tij në Shqipëri që pritet të nisë në orën 19:00, në stadiumin “Air Albania”, ku ka zbuluar se do të këndojë edhe shqip.
