Vendimi i kompanive të linjave të transportit urban për të përgjysmuar numrin e autobusëve, deputeti i Partisë Socialiste, Erion Braçe, e konsideron kriminale. Nëprmjet një postimi në rrjetin social facebook, ai thekson se autobusët janë kthyer tashmë në bomba infeksioni të virusit COVID. Në ketë mënyrë thotë deputeti i PS-së, ato po përhapin qëllimisht COVID.
“Ti themi gjërat siç janë: Kjo që operatorët privatë po bëjnë me autobusët në #Tiranë, është kriminale! I kam dëgjuar privatet në ligjërime me pashe neper tv; Kam kuptuar qe “halli” i tyre është ekonomik-ka lidhje me fitimin, kontraktual. E kuptoni diferencën? Qëndrimi i tyre konkret, ne linja autobusësh, për një fitim kontraktual, është i njëanshëm e kriminal; Në Tiranë ata, po qarkullojnë autobusë që janë doemos bomba infeksioni. Të përdoresh njerëzit që lëvizin me autobusë për të arritur qëllimet e fitimit kontraktual, është kriminale në kushtet e një pandemie. Është përhapje e qëllimshme e infeksionit. Kaq për tani”, shkruan Braçe.
Prej ditësh linjat urbane në Tiranë, po funksionojnë me gjysmë kapaciteti. Shoqata Kombëtare e Transportit kërkon plotësimin e 4 kërkesave financiare , si: Kompensimi i tarifës të biletës njëpërdorimshme 30 lekë/biletë; Kompensimi i biletës të pajtimit mujor, abone e përgjithshme në masën 600 lekë/ abone; Kompensim i biletës së pajtimit mujor abone linje, 600 lekë/abone; Kompensim të tarifës për biletën e studentit. A.L/ gijotina.com
