Sekuestrohet një sasi droge prej 280 kilogramësh kokainë në portin e Livornos. Lënda nrakotike u gjet brenda 2 kontenierëve frigoriferikë që u nisën një muaj më parë nga Ekuadori. Në tregun e shpërndarësve të drogës, lënda e sekuestruar, tashmë e shkatërruar në inceneratorin e Arezzo-s, kapte vlerën e 60 milionë eurove, shkruajnë mediat italiane.
Në përpjekje për të mashtruar aktivitetet e inspektimit, u përdor metoda e dërgesës në ‘grupe’, domethënë ‘kontaminonte’ kontejnerë të shumtë për t’u ngarkuar në të njëjtën anije për të rritur probabilitetin e suksesit, edhe në rastin e zbulimit, duke besuar se kontrollet doganore janë fokusuar vetëm në zbulimin e parë, por kjo nuk ndodhi falë përvojës dhe përpikmërisë së hetimeve të kryera”.
Droga e sekuestruar ishte ndarë “në 180 kuti të mbushura me shirit izolues dhe të mbështjellë me një shtresë plumbi, një truk i padobishëm i përdorur nga trafikantët për të ruajtur më mirë drogën dhe për të shmangur kontrollet teknike”.
Discussion about this post