Një tjetër sasie e konsiderueshme droge është kapur në vendet fqinje. Bëhet fjalë për rreth 400 kilogramë kokainë janë sekuestruar nga autoritetet e Malit të Zi pasditen e sotme. Mësohet se droga ishte fshehur në arkat e bananeve “Derby” të cilat vinin nga Ekuadori.
Sipas raportimeve nga mediat vendase, ishin punëtorët e kompanisë së bananeve ata që njoftuan policinë pasi konstatuan drogën mes arkave.
Sakaq, autoritetet vendase kanë nisur hetimet në lidhje me rastin në fjalë. Kjo kompani mësohet se sjell banane edhe në vendin tonë.
Pritet të zbardhen detaje pas kontrolleve nga ana e policisë në vendin ku u sekuestrua sasia e kokainës, ku dyshohet se janë përfshirë grupe kriminale që merren me trafikun e drogës nga Ekuadori.
Discussion about this post