Katër trafikantë droge kanë rënë në prangat e policisë në Shkodër. Bëhet fjalë për personat e identifikuar me iniciale Besnik Bludaj, Prel Zefi dhe Pllum Fusha, ndërsa pasagjer ishte Albert Logu të cilët sipas burimeve nga policia për gijotina.com, kishin mbjellë kanabis në zonat malorë të Dukagjinit dhe më pas e trafikonin atë në Shkodër, ku dhe u arrestuan teksa po transportonin mbi 96 kg kanabis.
Trafikantët kishin disa muaj në hetim dhe vëzhgimi nga policia dhe u arrestuan gjatë operacionit të koduar “Bzheta”. Ndërsa janë kapur duke drejtuar 3 mjetet e tyre me kanabis.
Në pranga ranë Prel Zefi, 30 vjeç, Albert Logu, 21 vjeç, të dy banues në Shtoj i Ri, Pllum Fusha, 37 vjeç, banues në Grudë e Re dhe Besnik Bludaj, 40 vjeç, banues në Vrak, Malësi e Madhe.
Në cilësinë e provës materiale u sekuestruan lënda narkotike, 8 aparate celular dhe 3 automjete.
Materialet procedurale i kaluan për ndjekje të mëtejshme, Prokurorisë pranë Gjykatës së Shkallës së Parë Shkodër, për veprat penale “Prodhimi dhe shitja e narkotikëve” dhe “Pastrimi i produkteve të veprës penale ose veprimtarisë kriminale”.
Discussion about this post