Një 55-vjeçar u arrestua në Sarandë, pasi u kap nga policia me 7 refugjatë në makinë, kundrejt një pagese të caktuar.
Lajmi është bërë me dije nga policia e Sarandës e cila ka finalizuar me sukses operacionin policor “Seven”, në të cilin u arrestua në flagrancë qytetari me iniciale H. Ç., banues në Tiranë.
“Specialistët e Seksionit për Hetimin e Krimeve në Komisariatin e Policisë Sarandë, në bashkëpunim me shërbimet e tjera të Komisariatit Sarandë, në bazë të informacioneve policore, kanë finalizuar operacionin policor “Seven”, si rezultat i të cilit u arrestua në flagrancë shtetasi H.Ç., 55 vjeç, banues në Tiranë”.
“Në lagjen nr.2, Sarandë, shërbimet e Policisë kapën në flagrancë shtetasin H.Ç., duke transportuar me automjetin “Volvo”, 7 emigrantë të paligjshëm, kundrejt fitimit. Në cilësinë e provës materiale u sekuestrua automjeti që përdorte shtetasi H.Ç.”
I arrestuari akuzohet për veprën penale “Ndihma për kalim të paligjshëm të kufijve”.
Discussion about this post