Një sasi kokaine prej 10.5 milionë eurosh është kapur nga autoritetet irlandeze në portin e Dublinit. Raportohet se droga vinte nga Kolumbia dhe u transportua përmes Meksikës drejt Irlandës dhe ishte e destinuar për në tregun evropian.
Sipas Irish Sun, pas trafikimit të kësaj sasie të madhe kokaine qëndron një bandë kriminale shqiptare, e cila dyshohet se ka bashkëpunim të ngushtë me grupet meksikane.
Hetimi u krye nga Byroja Kombëtare e Drogave dhe Krimit të Organizuar Garda dhe Shërbimi Doganor i të Ardhurave, megjithatë ende asnjë person nuk është arrestuar pasi hetimet vijojnë.
Droga e dyshuar e paligjshme u zbulua në një njësi mallrash e pashoqëruar, e cila ishte zbarkuar përmes një trageti, i cili u ndalua dhe u kontrollua. Lënda narkotike do t’i nënshtrohen analizës nga Shkenca Ligjore Irlanda (FSI).
Discussion about this post