Një sasi prej rreth 31 kg kokainë është gjetur mesditën e kësaj të enjteje në Portin e Durrësit.
Mësohet se droga është gjetur në kontejnerët me banane të firmës ‘BanaKing’, rast ky i përsëritur pasi nuk është hera e parë që i është gjetur kokainë në kamionët e saj.
Ndërkohë, 84 kontejner po i nënshtrohen kontrollit, teksa pritet të skanohet edhe kamioni, pasi ka dyshime se ka sasi të tjera.
Nga sa raportohet deri më tani droga dyshohet se vinte nga Ekuadori.
Policia ka nisur hetimet për zbardhjen e plotë të rastit dhe identifikimin e personave të përfshirë.
Në 30 dhjetor të vitit 2021, 109 kilogramë kokainë u zbuluan në një kontejner që ishte transportuar nga porti i Durrësit në drejtim të magazinave të “Zico Company” në Vaqarr të Tiranës. Tre persona u arrestuan nga policia, dy shoferë dhe një drejtues shitjesh të kompanisë “Zico”.
Ndërkohë, në Korrik të këtij viti, 20 persona u arrestuan pasi 49 arka me banane të kompanisë ‘Bana King’, që dyshohet se kishin kokainë, u tërhoqën përpara se kontejneri të kalonte në skaner.
Discussion about this post