Policia kufitare në portin e Durrësit ka ushtruar kontroll në një furgon me targa angleze pas dyshimeve për sende të paligjshme dhe nga skanimi u zbulua se furgoni i mallrave kishte të fshehur 7 pako kokaine.
Burime policore thonë se gjatë kontrollit të detajuar kokaina u gjet brenda fundit të dyfishtë të krijuar në këtë furgon mallrash, poshte sediles se shoferit.
Kokaina ishte paketuar në qese vakumi për mos t’u kuptuar nga qentë anti-drogë.
Në prangat e policisë deri më tani kanë rënë dy persona 38-vjeçari Arjan Doci dhe 39-vjeçari Mentor Çuni, ndërkohë që po vijojnë hetimet për të implikuar të tjerë në këtë rrjet trafiku. Ata rezultojnë të jenë kushërinj, djem tezesh.
Mesohet se furgoni ku u gjet kokaina i përkiste kompanise Bledi Travel, e cila transportonte sende dhe pako nga komuniteti shqiptar në Angli dhe i sillte në Shqiperi. Furgoni ndiqte itenerarin Shqipëri–Itali–Angli.
Për rastin, hetimet do të zhvillohen në të dy vendet. Drejtoria për Marëdhëniet me Jashtë në Policinë e shtetit ka njoftuar homologët anglezë për të marrë më shumë të dhëna se kush qëndron pas kompaninë Bledi Travel, e cila rezulton e regjistruar në Angli.
Po ashtu, Drejtoria e Policisë Kriminale mësohet se është vënë në kontakt me oficerët britanikë të NCA në Tiranë për hetime të tjera të përbashkëta.
Discussion about this post