Një 20- vjeçar është arrestuar ditën e sotme, pasi iu gjetën 10 kg kanabis. Në kuadër të operacionit antidrogë, forcat e policisë kanë evidentuar se i riu bashkë me një shokun e tij shpërndanin lëndë narkotike. Bëhet me dije se gjatë kontrollit të ushtruar në banesën e P. S., 42 vjeç që është tashmë në kërkim nga policia në fshatin Hoxharë e Re kanë gjetur 20- vjecarin i cili është bashkëpunëtor S në këtë veprimtari kriminale si edhe u gjet dhe u sekuestrua 10 kg lëndë narkotike kanabis gati për t’u shitur.
Bëhet me dije se, materialet i kaluan Prokurorisë pranë Gjykatës së Shkallës së Parë Fier, për veprën penale “Prodhimi dhe shitja e lëndëve narkotike” e kryer në bashkëpunim. Ndërsa i riu po merret në pyetje për të zbuluar më shumë detaje rreth rrjetit të tyre dhe bashkëpunëtorit që është shpallur në kërkim.
