Pas Erjon Hoxhallarit, Sokol Cikalleshit, Klaus Gjasulës dhe Ivan Balliut ka rezultuar pozitiv për Covid-19 edhe Frederik Veseli.
Lajmin e infektimit të mbrojtësit të Kombëtares e bëri publik klubi i tij, Salernitana, e cila kështu njoftoi se as në ndeshjen kundër Spezias që do zhvillohet sot, shqiptari nuk do të debutojë për sezonin e ri të Seria A.
“Salernitana njofton se lojtari Frederic Veseli, pasi është rikthyer nga grumbullimi me kombëtaren shqiptare ka rezultuar pozitiv pas bërjes së tamponit dhe tashmë është i izoluar në shtëpi”, -njofton klubi italian.
Ndërsa kujtojmë se në takimin e fundit të përfaqësueses ‘Kuqezi’ kundër Polonisë, Veseli luajti plot 90 minuta dhe tregoi formë të mirë, megjithatë tashmë do duhet të bëjë sërish pushim, pasi duhet të qëndrojë i izoluar.
Teksa ende nuk dihet se sa kohë do të qëndrojnë jashtë fushave lojtarët e Kombëtares, frika qëndron te fakti se mund të mungojnë në kualifikueset e nëntorit për ndeshjet kundër Anglisë dhe Andorës./K.T/Gijotina.com
