Uniformat Blu në Vlorë kanë vënë në pranga një 27-vjeçar pasi është kapur me drogë. Policia njofton se bëhet fjalë konkretisht për të arrestuarin e identifikuar me iniciale A. Z., 27 vjeç, banues në lagjen “Isa Boletini”, Vlorë.
Ndërsa jep detaje se gjatë kontrollit fizik të ushtruar ndaj tij, shërbimet e Policisë gjetën dhe sekuestruan në cilësinë e provës materiale 440 gr lëndë narkotike të dyshuar cannabis sativa.
Pritet që i riu të përballet me akuzën për veprën penale “Prodhimi dhe shitja e narkotikëve” për të cilën materialet i kaluan Prokurorisë së Rrethit Gjyqësor Vlorë.
