Një i ri i shpallur në kërkim për mashtrimin e kompanive të makinave me qira, është arrestuar nga policia në Kuçovë.
Pas hekurave ra personi i identifikuar me emrin Endri Koraqe, i cili akuzohet se merrte makina me qira i kthente ato në pjesë këmbimi ose i braktiste në rrugë.
Nga kontrolli i ushtruar, shërbimet e Policisë gjetën të fshehur në afërsi të banesës së tij, në Kuçovë, një armë zjarri pistoletë, e cila gjatë hetimeve të para hetimore rezultoi se i përkiste 30-vjeçarit.
Gjithashtu, shërbimet e Komisariatit të Policisë Berat, në vijim të kontrollit të territorit dhe informacioneve të marra në rrugë operative, në lagjen “Çlirim”, gjetën të fshehur një armë zjarri kallashnikov dhe municion luftarak. Vijon puna për identifikimin dhe kapjen e poseduesit të kallashnikovit.
Materialet janë referuar në Prokurorinë e Rrethit Gjyqësor Berat, për veprime të mëtejshme.
Discussion about this post