Ministrja Gjermane për Europën dhe Klimën, Anna Luhrmann në një konferencë të përbashkët me zv.kryeministrin Arben Ahmetaj e bëri të qartë se shteti që ajo drejton vijon të mbështesë fort “Procesin e Berlinit”, i iniciuar në vitin 2014.
Luhrmann i bëri thirrje qeverisë dhe opozitës që të bashkëpunojnë për realizimin e reformave, ndërsa shtoi se nismat rajonale duhet të kenë përfshirjen e të gjashtë vendeve që janë pjesë e rajonit.
“Këtë vit kur Shqipëria për herë të parë ulet në këshillin e sigurimit të Kombeve të Bashkuara gëzohemi që mund të mbështetemi te Shqipëria. Shqipëria ka bërë hapa. Janë ngritur struktura kundër krimit të organizuar, Zyrtarë të lartë dhe pjesëtarë të krimit të organizuar janë duke u vënë para drejtësisë. Këtu janë të nevojshme si qeveria edhe opozita. Hapat pas do e dëmtonin procesin e reformave,. Ballkani është i rëndësishëm për Europën. Ndaj në 2014 qeveria federale krijoi procesin e Berlinit. Këtu është e qartë që rruga duhet të ndjekë kursin e bashkëpunimit të 6 vendeve dhe procesi duhet të jetë gjithëpërfshirës. Lispet të bëhet progres në planveprimin për krijimin e një tregu rajonal. Kjo është me rëndësi për të gjithë rajonin. Një shembull i mirë për atë që mund të arrihet. Këtu bën pjesë edhe heqja e tarifave roaming në rajon”, tha ministrja.
Nga ana tjetër, Ahmetaj theksoi se Shqipëria i ka bërë detyrat e shtëpisë për hapjen e negociatave për anëtarësimin në Bashkimin Evropian, ndërsa tha që KE e rekomandon këtë prej tre vitesh.
Discussion about this post