Kapet në Itali shqiptari i dënuar me burg përjetë

Policia italiane ka vënë në pranga në Airola një të arratisur ndërkombëtar me origjinë shqiptare, i cili ishte në kërkim prej dy vitesh.

Monitorimi i vazhdueshëm bëri të mundur identifikimin e shqiptarit, i cili në vitin 2010, me bashkëpunëtorë të tjerë, kreu grabitjen në dëm të një mbi 80-vjeçari, duke e goditur fillimisht me grushte dhe topin.

Mediat italiane raportojnë se shqiptari i kishte lidhur duart dhe këmbët, duke i shkaktuar vdekjen.

Shqiptari mundi të merrte vetëm 300 euro cash. Për krimet e mësipërme është dënuar nga shteti grek me burgim të përjetshëm.

Shqiptari është vënë në dispozicion të Gjykatës së Apelit, e cila do të vendosë për ekstradimin e tij.