Policia Spanjolle ka përmbyllur një tjetër aksion policor antidrogë, pak ditë pas finalizimit të një aksioni shtrirë në disa qytete të Spanjës.
Nga të dhënat paraprake, protagonist kryesor mbeten shqiptarët, ndërsa mes të arrestuarve janë edhe disa shtetas spanjoll dhe të kombësive të tjera. Mes të arrestuarve policia spanjolle identifikon edhe një shtetas hollandez me origjinë turke me iniciale K.O.
Skuadra Mossos mësyu gjatë natës në një magazine që dyshohej si baza ku mblidhej paketohej lënda narkotike për t’u nisur drejt destinacione të ndryshme. Policia sekuestroi 478 kilogramë mariuanë të paketuar, katër automjete, 12 telefona midis tyre dhe telefona te kriptuar si dhe sasi të konsiderushme eurosh dhe dy armë zjarri.
Mes të arrestuarve janë kryesisht shqiptare dhe spanjolle pasi dyshohet se trafiku orientohej nga grupe kriminale shqiptare. Policia ka shpallur dhe disa persona në kerkim, operacioni është në vazhdim me qytete të ndryshme kryesisht Malaga, Marbella, Almeria, Cordoba nga ku dyshohet të jetë grumbulluar dhe lënda narkotike. Të arrestuarit janë të moshës 27 deri në 45 vjeç ndërsa policia spanjolle nuk ka dhënë detaje të operacionit për shkak të votimit të tij.
Ky operacion vjen tre ditë pas finalizimit të aksionit në disa qytete në Spanjë, ku u sekuestruan 780 kg lëndë narkotike e cila transportohej brenda kutive më salcë domate.
