Një 46-vjeçare ka humbur jetën këtë në enjte në Berat pais dyshohet se ka rënë në kontakt me rrymën elektrike. Policia sqaron se ngjarja ka ndodhur rreth orës 08:00 të mëngjesit, ku 46-vjeçarja e cila ishte diagnostifikuar me probleme të shëndetit mendor ka kapur fijet e kabinës elektrike të fshatit dhe për pasojë ka humbur jetën në vendngjarje.
Njoftimi i Policisë:
Rreth orës 08:00 të mëngjesit, një ngjarje tragjike ka ndodhur në fshatin Osmëzezë, ku një grua e identifikuar si Xh. A., 46 vjeçe, ka humbur jetën pas kontaktit me rrymën elektrike.
Sipas informacioneve paraprake, gruaja, e cila ishte e diagnostikuar me probleme të shëndetit mendor, dyshohet se ka kapur fijet e kabinës elektrike të fshatit.
Për pasojë, ajo ka marrë goditjen fatale nga rryma elektrike dhe ka humbur jetën në vendngjarje. Grupi hetimor ka mbërritur në vendin e ngjarjes dhe po punon për dokumentimin ligjor të rrethanave të këtij incidenti.
Discussion about this post