Kapiteni i Manchester United, Marry Magiure ka theksuar në konferencën për shtyp përpara ndeshjes me Totenhamin se ka ende shpresa për të fituar titullin kampion në Angli. Rekordmenët anglez vijnë në këtë përballje pas humbjes së thellë ndaj Liverpool me shifrat 5-0.
“Ne si futbollistë zhgënjyem drejtuesit, trajnerin Solskjaer dhe mbi të gjitha tifozët tanë, me paraqitjen tonë ndaj Liverpoolit, ndaj më vjen shumë keq për këtë. Megjithatë dua t’u siguroj të gjithëve se ne po punojmë shumë ,që ndeshje si ajo e të dielës së kaluar të mos përsëriten më asnjëherë.
Ne kemi shumë futbollistë të mëdhenj e liderë në dhomat e zhveshjes, të cilët japin kontributin e tyre për të dalë nga kjo situatë. Nuk do të vuajmë, përkundrazi kemi nxjerrë mësimet e duhura dhe jemi gati të tregojmë anën tonë më të mirë. Është ende herët për titullin kampion, por unë besoj se Manchester United do të luftojë deri në fund, pasi ka ende edhe shumë javë, të mjaftueshme për të rikuperuar distancën me rivalët”, u shpreh Maguire.
