Mbrëmjen e djeshme janë sekuestruar 10 mijë doza ekstazi në një megaoperacion të zhvilluar në Tiranë. Siç shihet dhe nga fotoja e mësipërme, dozat e drogës sintetike janë me ngjyrë kafe dhe kanë logon e markës së luksit, Louis Vuitton.
Megaoperacioni antidrogë është zhvilluar në orët e vona të mbrëmjes së të hënës dhe u sekuestruan në total 10 mijë doza ekstazi. Burime bëjnë me dije se pilulat e drogës ishin futur në territorin shqiptar nga Kosova.
Në pranga kanë rënë: Mithat Ramadani, Besnik Mujeci, Kalem Picari, Ambra Myftari dhe Daniel Avdia. Droga sintetike sapo kishte ardhur në kryeqytet dhe ishte destinuar për tregun e brendshëm. Nga ana tjetër, dy nga të arrestuarit janë shqiptarë të Kosovës. Dozat e lëndës narkotike mësohet se shiteshin kryesisht në zonën e ish bllokut dhe në lokalet e natës. Sipas përllogaritjeve, një dozë shitej 30-50 euro dhe e gjithë sasia kapte vlerën e rreth 500 mijë euro.
Discussion about this post