Kryetari i Partisë Demokratike për degën e Fierit, Agron Kapllanaj deklaroi gjatë mbledhjes me demokratët se mbrëmjen e djeshme, ish-kryeministri Sali Berisha telefonoi nën kryetarin e degës në Fier. Sipas tij, Berisha i ka bërë presion nënkryetarit duke i kërkuar të ishte me patjetër në protestën që u zhvillua sot në Fier për mbërritjen e Bashës.
“Mbrëmë në orën 11 të natës, Berisha e ka marrë nën kryetarin e PD në Fier dhe i ka thënë do i nxjerrësh se s’bën. Ata që janë atje jashtë, ata 20 veta ishin të turpëruar sepse nuk duan të jenë aty por janë të detyruar. Por për mua, Berisha i përket të shkuarës dhe ne nuk duhet të flasim më për të. Unë kam vendosur të shoh para që PD të vijë në pushtet ndaj të vetmit armik të këtij vendi që është Edi Rama“, tha Kapllanaj.
Ndërsa Basha ndodhet në Fier, ish-kryeministri Sali Berisha po zhvillon në Shkodër takimin me demokratët e bazës.
Discussion about this post