Eksperti i kriminalistikës Ervin Karamuço ka folur lidhur me vrasjen e 14-vjeçarit pranë shkollës “Fan Noli” në Tiranë. Karamuço u shpreh se kjo situatë është kthyer në një problematikë dhe se ka nevojë për ndërhyrje urgjentë.
Ai theksoi se fillimisht duhet një moratorium urgjent për rrjetet sociale. Eksperti tha gjithashtu se në Tik Tok trafikohen armë dhe shiten e blihen thika dhe doreza hekuri.
“Sa kohë Tik Tok është denoncuar se është platformë spiunazhi. Me Snapchat nuk kanë asnjë filtër. Nëndrejtori i CEO që mbulon edhe pjesën e Evropës ka ardhur për shkak se vrau veten një grua. Ka ardhur koha që të kthehet në një agjenci mbarëkombëtare, edhe në polici postare. Të shtosh teknologjinë, burimet dhe ta mbash në kontroll. Unë jam i mendimit të një mbyllje të përkohshme. Potencialisht armë dhe linja të trafikimit. Janë linja reale të trafikimit të shitjes edhe blerjes edhe monedha. Kemi pasur në TikTok edhe për monedha false.
Ne na shkon një mijë kërkesa për leje armë çdo muaj dhe kjo do të thotë pasiguri. Dhe ne po rrisim një brez plot pasiguri. Kemi faqe ku ofrohen doreza hekuri, thika, i kërkon dhe t’i sjellin me motor poshtë shtëpie. Por e theksoj se përveç një pezullimi duhet të ecim paralelisht me një fushatë ndërgjegjësuese”, tha Karamuço për “Abc News”
Discussion about this post