Ditën e sotme në orën 16:00 do të hidhet shorti për fazën e ‘Play-off’ të Botërorit ‘Katar 2022’, ku 12 skuadrat që kanë kaluar në këtë fazë do të njihen me kundërshtarët e tyre.
Ky short hidhet gjithmonë 10 ditë pasi janë mbyllur ndeshjet e fundit kualifikuese në fazën e grupeve evropiane, që përfunduan më 16 nëntor, i cili do të hidhet në selinë e FIFA-s në Zyrih të Zvicrës.
Nënkampionëve të 10 grupeve kualifikuese të Kupës së Botës do iu bashkohen edhe dy finalistët e Ligës së Kombeve, të cilët nuk mundën ta siguroni ‘Katarin’ në grupet e tyre.
12 skuadrat në fjalë do të ndahen në tre grupe me nga katër ekipe secili dhe në fund finalistët e secilit grup do të ‘presin biletat’ për në Katar.
Ndeshjet e ‘Play-off’ do të zhvillohen në datat 24 dhe 25 mars gjysmëfinalet, ndërsa finalet do të luhen më 28 dhe 29 mars.
Skuadrat që kanë kaluar në këtë fazë dhe që do të njohin sot kundërshtarët janë:
- Portugalia
- Skocia
- Italia
- Rusia
- Suedia
- Uellsi
- Turqia
- Polonia
- Maqedonia e Veriut
- Austria
- Ukraina
- Republika Çeke./K.T/Gijotina.com
Discussion about this post