Tirana do të ndeshet me Skënderbeun në transfertë në orën 16:45 të shtunën për javën e 10 të Superligës.
Në konferencën e dhënë në prag të kësaj ndeshjeje, zëvendës trajneri i ‘Bardhebluve’ të kryeqytetit, Erbim Fagu theksoi se duke qenë se ekipi i tyre vjen nga një humbje do të japë maksimumin për tre pikët.
“Dihet kush është, ne vijmë nga një humbje me Kukësin dhe duhet të japim maksimumin për tri pikët. Kemi marrë pikët maksimale me rivalët direkt, pikë kemi lënë me skuadrat që renditen poshtë. Nuk kemi asnjë peng sepse lojërat tona kanë qenë në rritje dhe në nivel për skuadrën. Memelli është një trajner i ri që ka bërë mirë te Skënderbeu, ka qenë pjesë e Tiranës. Kjo nuk ndikon te ndeshja, kemi planin dhe stilin tonë në ndërtimin e kësaj ndeshje.”- tha ai.
Më tej Fagu shtoi se disfata e parë në kampionat, ajo ndaj Kukësit erdhi si pasojë e lodhjes për shkak të kalendarit shumë të ngjeshur.
“Humbja jo se na ka ulur, por erdhi në një moment që ishim mirë si në kampionat dhe ndeshjen e Kupës. Ndikoi disi lodhja, në futboll edhe do humbasësh. Kemi lojtarë të rinj edhe me karakter. Tirana është mësuar që të jetë gjithë kohës në presion, është e vërtetë që të tjerët duan që të mos kemi rezultate. Në çdo ndeshje hyjmë për tri pikë”, -shtoi numri dy i stolit të Tiranës./K.T/Gijotina.com
Discussion about this post