Papa Françesku ka shprehur sot me anën e një telegrami, afërsinë dhe lutjen për viktimat e që shkaktoi moti i keq, si dhe falënderoi forcat e shpëtimit.
“Jam informuar mbi stuhinë e dhunshme që goditi Emilia-Romagna”- lexohet në një telegram të dërguar nga Zëvendësuesi për Çështjet e Përgjithshme Imzot Edgar Pena Parra, kardinalit Matteo Maria Zuppi.
“Ati i Shenjtë udhëzon Shkëlqesinë tuaj që të jetë pranë të afërmve dhe miqve të viktimave, për të shprehur ngushëllimet për fatkeqësinë që i ka goditur.
Papa Françesku kërkoi ngushëllim nga Zoti për të plagosurit, dhe ngushëllim për ata që po vuajnë pasojat e rënda të motit të keq në Itali.
Vala e motit të keq në Itali shkaktoi 9 viktima në Emilia-Romagna. Alarmi i kuq vijon të jetë në fuqi në këtë rajon, ku 27 mijë persona janë pa energji elektrike. Niveli i pothuajse të gjithë lumenjve vazhdon të jetë mbi pragun e emergjencës, dhe priten përmbytje të tjera.
Discussion about this post