Prej disa ditësh New York dhe New Jersey janë përfshirë nga një uragani i quajtur IDA, e për këtë arsye këto dy vende do të shpallin gjendjen e jashtëzakonshme. IDA solli reshje rekord të shiut që shkaktuan përmbytje katastrofike duke krijuar kushte të rrezikshme për qytetarët.
Më shumë se 1 milion njerëz nuk kanë energji elektrike në Luiziana, përfshirë Nju Orlinsin, qyteti më i populluar i atij shteti, si dhe në shtetin Misisipi, pasi uragani i kategorisë 4 goditi vendin. Probleme kanë edhe me furnizim me ujë të pastër.
Kompania e shërbimeve elektrike Entergy tha se 8 linjat e transmetimit që ushqejnë qytetin Nju Orlins janë jashtë shërbimit, ndërsa një shtyllë e tensionit të lartë ka rënë në lumin Misisipi.
Autoritetet thanë se mund të duhen ditë, madje edhe javë, para se të rikthehet plotësisht energjia, duke ngritur shqetësime të mëtejshme për mundësinë që banorët të sëmuren nga temperaturat e larta në fund të verës, ndërsa parashikohet se tempartura këtë javë mund të shkojë deri në 32 gradë Celsius.
