Ditën e sotme do të zhvillohen 4 takime të javës së 14 të Kategorisë së parë ndërsa pritet të kemi përballje interesante. Të gjitha këto ndeshje janë planifikuar që të zhvillohen në orën 13:30.
Besa e Kavajës do të përballet me Besëlidhjen në një ndeshje që prite të jetë jo shumë e vështirë për vendasit.
Bylisi i vendit të parë do të ndeshet në transfertë me Butrintin, sfidë nga e cila kërkohen tre pikë të tjera për të mbrojtur kreun e tabelës.
Korabi i vendit të tretë përballet në transfertë ndaj Maliqit të vendit të parafundit dhe ky takim pritet jetë ‘sfidë ferri’ për vendasit.
Ndërsa përballja Shkumbini-Burreli pritet të jetë me interesanti duke ditur se dy ekipet janë rival direkt të njeri-tjetrit, pasi renditen vendasit të 8 me 18 pikë, teksa burrelasit janë të 9 me 1 pikë më pak./K.T/Gijotina.com
Discussion about this post