Kanë përfunduar të gjitha takimet e javës së shtatë të Kategorisë së Parë edhe ditën e sotme Bylisi tregoi se është i pandalshëm.
Ballshiotët morën fitoren e shtatë të tyre, duke mundur me rezultatin 1-0 ekipin e Lushnjës. Pogradeci nuk ia ka dalë të fitojë ndaj Korabit, duke u ndarë me rezultatin 0-0, teksa Tërbuni u mund në shtëpi me shifrat 0-2 nga Erzeni, me golat të shënuar të dy në pjesën e parë të kësaj sfide.
Apolonia ia doli që të siguronte tre pikë në transfertë ndaj Besës më shifrat 1-2, ndërsa Burreli fitoi me përmbysje në transfertë ndaj Turbinës me rezultatin 1-2.
Besëlidhja nga ana tjetër fitoi me rezultatin 2-0 ndaj Vorës, ndërsa Tomori mundi Maliqin ashtu si Butrinti, Shkumbinin, me rezultatin e thellë 5-2./K.T/Gijotina.com
