Katër persona të lënduar nga përplasja e dy veturave në rrugën Sarandë-Delvinë

Një aksident mes dy mjeteve ka ndodhur pak minuta më parë në rrugën nacionale Sarandë – Delvinë në vendin e quajtur Shijan.

Sipas burimeve paraprake mësohet një automjet tip Ford me drejtues Leonard Begolli 64 vjeç dhe mjeti tip Benz në pronësi të Alen Preçi janë përplasur me njëri-tjetrin.

Nga aksidenti kanë ngelur të plagosur 4 persona që ndodheshin në mjete, mes tyre edhe drejtuesit e mjeteve, të cilët u transportuan më ambulancë në urgjencën e Sarandës, ku sipas bluzave të bardha janë jashtë rrezikut për jetën.

Menjëherë kanë shkuar në vend sherbimet e Qarkullimit Rrugor Sarandë të cilët po punojnë për të zbardhur shkakun e këtij aksidenti.

gijotina.com/