Kryetari i komanduar i Partisë Demokratike, Enkelejd Alibeaj, në të gjitha takimet e tij elektorale për ata pak kandidatë bashkie që ka arritur të nxjerrë po përbetohet se lufta që ai përfaqëson është fitorja e demokratëve dhe rikthimi i PD-së në majat e saj. Por, duket realiteti po tregon të kundërtën.
Kandidatët dhe këshilltarët e tij, në të gjitha takimet nuk kanë thënë asnjë fjalë për kundërshtarët e tyre politikë të Partisë Socialiste, por e gjithë betëja është përqëndruar tek kreu i selisë blu, Sali Berisha, i cili për hir të së vertetës ka mbështetjen e demokratëve shqiptarë.
Por, njerëzsit e Alibeajt kanë shkuar edhe më larg, duke dalë edhe në mbështetje të kandidatëve socialistë.
Shembulli më i fundit është ai i këshilltarit bashkiak në Kurbin, Alfred Daçi, i cili ka dalë në mbështetje të kandidates së Partisë Socialiste Majlinda Cara.
Daçi është përjashtuar nga procesi i primareve, pasi është kapur në shkelje dhe mënjëherë pas kësaj është rreshtuar në krahun e Enkelejd Alibeajt.
Tre ditë më parë Alfred Daçi siç tregohet dhe ne foton e mëposhtme ka qënë në krahë të kandidates së Edi Ramës, Majlinda Cara dhe ministrit Ulsi Manja.
Discussion about this post